نصيحه 📜💛

نصيحه 📜💛

حته البطانية الي يلفونك بيها يعتبروها نگسه ویذبوها..!
ومن يرجعون للبيت يسبحون لأن شالوا جنازتك.
بعد عليمن خابص روحك.؟

أختار نفسك ترى النفوس عزيزه، قدس نفسك وحبها فقط.
وعن الي يحبونك "عز الي يعزك والباقي يندل دربه"

نصيحه 📜💛

مرات لازم تنكسر علمود تعرف توگف
وتسند نفسك بنفسك ومرات لازم
تنام وانت بقمه انكسارك علمود تگعد
شخص ثاني تماما مامحتاج لأي احد
شخص يعرف ينقذ نفسه بنفسه
مرات لازم يموت شي بداخلك علمود تعرف تعيش صح تعيش بـ اسلوب جديد تعيش بضحكه جديده ضحكه كلها كبرياء وقوه ونرجع ونگول الناس ألي تنام زعلانه راح تگعد متغيره

نصيحه 📜💛

خلي نفسك عزيزه الي ما يريدك لا تريده
الشخص اللي ڪسرك رح يرجع،، الشخص اللي ظلمك ضميره راح يأذي ويرجعلك ابد لا تعطي للمقابل اهتما۾ زايد واكثر من قيمته، هذا الانساטּ من تعطي اكثر من حجمه يشوف نفسه ذهب، بينما هوه زنجار نفس المنجل من تعلكه يشوف نفسه هلال هنا أنتَ شنو تسوي، المنجل تذبه للحشيش والزنجار تذبه بل نفايات والإنسان تذبه للعقل خلي عقلك يتصرف ويا.. الي خسرك خلي يند۾ لأטּ خسرك، لا تضل تركض ورا ترى حياتك ما واكفه على رجعته، ولا تصير لاحوك ولا تضل تتوسل بفلان وعلان، ترى اذا تضل تتوسل يشوفنك ضعيف ورخيص، بينما اذا متعطي اهتمام وتضل جبل شامخ الڪُل يتمنى يوصلك و يرجع لك..
عز الي يعزك و الباقي يندل دربه....

نصيحه 📜💛

من تضيق الدنيا عليك.. لتبين هالشي للناس. لأنك ماراح تحصل من هالشي غير بس الشفقة.
كُل شي حلو عندك خلي كدامك وخليك طبيعي.. مو ذبلان وتعبان ! والبس واطلع وعيش حياتك ، وحتى الفيديوات او البوستات الي تكتبها أو تشيرها خليها كلها تفاؤل وقوة، خليك كدام الكل ماخذين عنك إنطباع انك شخص ماتعرف للحزن والهم طريق.
خلي مشاعرك بينك وبين نفسك بس
استعطاف المشاعر مو حلو بحقك بمرور الوكت راح تخليك مو مثل الاول بنظرهم.. عيش يومك وابعد السلبيات من حياتك وبين شخصيتك الي تضحك، وخلي الهموم والزعل على رب العالمين ، لان اذا بينت هالشي كلش قليل من الناس راح يحسون بيك .
خليك عزيز النفس وعندك كبرياء.. خلي الناس تشوفك غني.. طبعا الغنى مو بس بالفلوس انت غني نفسياً.. ومن استغنى بالله أغناه الله عن كل شيء

نصيحه 📜💛

لكل ابنيه لاتخونين ثقه اهلچ بيچ خلي ابوچ وأخوانج كدام عينج لأن ماكو بشر بالدنيا يستاهل تنزلين سمعتهم بالكاع علموده اهلج الربوج والتعبو عليج حتى تكبرين وتجازيهم بالخير وترفعين راسهم مو حتى تنزلين رأسهم صدكيني اليحبج مراح يخليج تحسين بنقص اووبلا قيمه عنده لاتندفعين ويه الروجه اليحبج يجي ويدك بابچ ويطلبج من الله ومن اهلج مو يضحك عليج بكلمتين وانتي تصدكين ابد لاتغرج المضاهر الحلوه انطي فرصه مره ومرتين بعدها اذا ماكو نتيجه انسحبي من اي علاقه ماتضمن نهايتهه خليج قويه لاتضعفين كدام اي شخص ممكن يقلل من قيمتج خليج صعبه اليريد يوصلج مايوصل بسهوله لأن راح يتركج بسهوله خليج البنت الكل اليتمنى يوصلها خليج عاليه مثل الغيم صدكيني راح تعيشين ملكه بخلاقج وتربيتج خلي الكل يتمنى يصير مثلج

نصيحه 📜💛

موجهه للطرفين وهذا الموضوع جاي يمر بكل انسان طبعا احنه بصوره عامه هواي نفوت بعلاقات وتطلع فاشله اذا جان من ناحيه الصداقه او الحب لو أي علاقه ثانيه.. شكد  ما راح تكونون ثاقين بهذا الانسان وتحبونه وتحجوله كلشي  يصير وياكم حتى ابسط التفاصيل وفجاه تنصدم من هلشخص الصدمه قويه تكوم تكول لنفسك انت عرفته اول مره ليش صار هيج تغير راح تضوج وتنقهر وتبجي واينكسر خاطرك وتكوم  متثق باحد حتى بنفسك زين فكرت انت ليش هيج جاي تسوي بنفسك من وره شخص تهمل نفسك والحزن والخوف والوحده مسيطره عليك طبعا رب العالمين كاتب هالشي يصير انت ما راح تكدر تغير شي بس بنفس الوقت بس رب العالمين منطيك نعمه اسمها نعمه "النسيان" حتى تنسى انت استغل هلشي وصير قوي وكد نفسك لا تخلي شي يسيطر على عقلك اهتم بنفسك أو بنفسج ترى الحياه صغيره كلش كلش صغيره اليوم عايش بأجر ميت لا سمح الله
ف يا اخوان  لا تثقون بأحد بالخصوص بمواقع التواصل ولا تتعلقو بأحد ولا تنطون شخص اكثر من حجمه خلو علاقاتكم محدوده ولاتنطون اسراركم منا ومنا ترا الناس منافقه رب العالمين مسالم منهم تريد انته او انتي تسلمون منهم وبين قوسين...
( لاتثق ستخذل..💔)

حلالكم كُلشِي بالقناةَ لُطفاً اخذوا اي شيء يعجبكُم بدون تردد او
إذن ، فقط ادعولي اذا
كنتوامستفادين فعلا 🥹💗.

نصيحه 📜💛

حذف الحساب .او محادثات
اني ك شخص كلش ندمت من حذفت حساباتي من طبيت فتره اكتئاب لو من تركتني الشخص الي احبه لو صارت مشكله طيب بعدين؟ حذفت الحساب صار شي؟ تغير شي؟ لا ب عكس ماكو شي صار ولا تغير مجرد خسرنا اصدقاء او صديقات واني من ناس تندمت لان حذفت خسرت اصدقاء صح هواي ورب + مرح تستفاد شي إذا حذفته انت نفسك نفسك الشخص إذا بقيت انت مكتئب بسبب ماكو شخص يفرحك لو انت تخاف تتعلق ب شخص ويخذلك صراحه حقك ححاول للكل اكون سند الهم واخليهم يتخطون وينصحون ويصيرون احسن مني . لا تحذف حسابك خليك شخص واقعي ناس هواي تريدك بس تكابر اختلط شوي ح تحس حياه حلوه حسابك ماله دخل ولا الاشخاص اني شخص بداخلي بركان لان ضروف قاسيه هواي كل هاي الفتره بس محذفت صدكني من تحذف ب ليله ثاني يوم صبح ح تتندم لان حذفت تكول لا ليش حذفت يوزر فلان راح وفلانه ف عادي هرمون سيطر عليه وخلص + اني شكد ماكو أشياء بداخلي مسيطر عليها ليش ؟ لان افكر ب نفسي ليل نهار فكر شوي ب كلامي لا تضل هيج؟ ءنت قوي ءنت كدها مستحيل يعني مثلا من تجي وتحذف حسابك هذا شي ما يقدم ولا ياخر مجرد هذا شي رح يخليك تكتئب اكثر تقريبا أنا اكثر شخص كان يحذف حسابات بس هس لا ، زين خل اصفن شويه بس شوي اكول لو أنا ك شخص بعدت عني كل طاقه سلبيه وانطيت بلوك واهتميت ب نفسي والي وكف وياي مو احسن؟ طيب أنا ليش احذف حسابي ؟ ليش اسوي هيج وهيج وكذا علمود شخص ميسوه احسن حل رزاله وبلوك وبس

نصيحه 📜💛

الشخص إذا عافكم تره ما نكلبت الدنيه سواء كان (حبيب ، صديق ، شخص متعلق ،) كل هاي رح يجـيك شخص ويعوضك عن هذا كله يعني شنو فائده؟
كتئبت؟
حزنت؟
بجيت؟
تدمرت؟
تدمرت نفسيتك؟
صرت بس تبجي ؟
طيب سويت كل هاي غيرت نفسيتك؟ اثرت ب شخص؟ الشخص وجعلك يعتذر؟ الشخص رجع نفس قبل؟ لا ب عكس انت كاعد تأذي نفسك انت تضر نفسك انت كاعد تودي نفسك إلى حاله اكتئاب طيب بس الشخص كلش متعلق بي ل درجه كلش؟ تكدر تتخطى إذا غلط وياك ب شي احنا دائما نختار الشخص الغلط شخص ميحبنا ولا يقدر الي نسوي ولا يحترم مشاعرنا ف كل هذا خلص لا تضوج لا تبجي لا تسوي اي شي ورب الشخص عايش احسن حياه ويسولف ويضحك ولا مهتم الك ولا ال بجيك ولا ل الي انت تعيشه ومحد حاس بيك اطلع من هاي الحاله الي انته بيها اطلع خلص لا تكتئب انت شخص قوي جنت ولازلت قوي انت تكدر تسوي المستحيل ولو ماكو شي مستحيل اي شي بالك تسوي خلي عندك ثقه ب نفسك لا تفقد هاي ثقه أبدا ديربالك + من تريد تتعلق لو تحب حب الشخص الصح .

نصيحه 📜💛

تدرون شنو اصعب شي بالحَياة؟
من تقدم كُلشي للأنسان الي تحبة وتنطي اعز
ماعندك، مثل :- گلبك، مَشاعرك واهتمامك، وثقة حيل چبيرة، وغيرهة من الأشياء،
ومَرات تگدر تقدم تنازُلات بحَياتك ما مقدمها وتصالح وتبادر رُغم أنتَ الي تنجرح
وتسامح رُغم اذيتهُم الك، وأنتَ الي تخَليلهم عُذر عَـلى ابسط واتفه الاشياء، في سَبيل ما تخسر الشَخص، وبالتالي هَل انسان يتخلة عَنك ويخذلك وتخيب كُل ضنونك و آمالك واحلامك وهواي اشياء، هنا تحس نفسك لاشيء،
تحس بشعور غريب وموجوع كُلش تسأل نَفسك زين ليش هيچ بَذرت مَشاعري! ليش
اذيت نَفسي لـ شخص اسهل شي عندة التخلي، لا يَحبيبي مو منكُم السَبب، انتوا نعمة ورَب العالمين نطاكم لأشخاص ما تسوة، حَب ينطيكُم دَرس وقاعدة تمشون عَليهة طول حَياتكم، راد يبعدكُم عَن هَل طَريق الي نهايتة كَسرة وتدمر نَفسيتك عَـلى مود حُب؟ ، رَب العالمين حَرم هَل علاقات لان يعرُف البَشر اكثر من عدنة ليش نخلف كَلام الله عَلمود بَشر ما تسوة؟ ليش نفوت بهَل طَريق واحنة ندري بي حيل غَلط ومُحرم ونهايتة كَسرة؟ وبهَل وقت نسبة قليلة تلگون اشخاص صَح، لان مَحد يتمنة الخير لأحد، كلمن يريد مَصلحتة ومفَضل نَفسة فوگ كُلشي، فة يا حَبايبي ابتعدو عَن هَل طَريق وحبو نَفسكم وخَلو نَفسكم فوگ كُلشي مَحد يفيدكُم لا هَسة ولا بَعدين

نصيحه 📜💛

شغلات مو لازم عليكم أنو تكولوها لشخص اول متشوفوا ) ضعفان، يوهه هاي صاير شكبرك !!! ، وجهك صاير اسمر ، ملامحك محلوه ، خشمك جبير ؟ ليش هلکد صاير ضعيف شنو متاكل ؟ ليش اللوان بشرتك ممتوحده ؟ .. الخ) انت جاي تشوفه مو تهيج على الجروح هاي اولاً ثانياً الكلمه الطيبة صدقة حتى لو تكَله طالع حلو اليوم تدري راح تبقهَ باله هلشي وكلما يتعب لو شي يتذكر كلمتكَ ويكول فلان شخص من جنت تعبان وحالتي حالهَ عجبته وكالي شكد حلو طالع ! هاي الكلمات البسيطه ماعرف شتكلف بعض الاشخاص يعني هذا الكلام لأن داشوف هلشي بكثرة هل ايام او خلي نكول بهل سنوات الاخيره بإختصار ! وأني وحده من الناس الي عانت من هلَ شيء وجنت اتأثر وابچي بس بعد مصارت طوخ السالفه صرت بس واحد يكولي هيج اردهَ لا اتعامل ويا بإخلاقي ولا بتربيتي ارده على كد الحجي وبس الكلمه الطيبه صدقهَ ) حسنوا اسلوبكم ويه كل شخص لان ذني شغلات مو بأيدنا نتحاسب عليها .! لأن كلنا بينا عيوب وكلنا نمر بفترات تخلينا نتعب وبشرتنا تتعب ونسمن ، ونضعف وكل شيء فـ محد بيده شي خلوا لسانكم حلو مع الأخرين صدكوني هذِ الكلمه الحلوا من تكولوها الشخص رب العالمين مينساها الكم وشكد بيها حسنات 😍🤍

" بَرنامج chatgpt " ❌

شفتو هاي البرنامج الي يحول الصَور الى كارتون او انمي ، المهم لاتعاتبون احد اذا شفتوا صورجن منتشرة بمواقع التواصل ،او اذا شفتو صورجن الي ماتخلون احد يشوفها موجود بأماكن ماتليق بيكم ، تدرون انتو كل برنامج لازم اكو أشخاص وراها وهذه البرنامج يمكن الاف الاشخاص وراها ، جان بدون دفع مالي $ بس الثمن صورجن ، ابتعدوا عنها واحذفوا صوركم من البرنامج وان شاء الله خير .نصيحه متأخرة بس شفت البعض بعدهم مستمرين بتحويل صورهن واتمنى تبلغون الاشخاص الي مايعرفن بالموضوع .

نصيحه 📜💛

- مو عيب اذا فشلت مرهَ مرتين وثلاثهَ وعشرهَ ومليون وفشلتُ ، مو عيب اذا مشيت بطريق اعوج بحياتك ، مو عيب اذا رسبت بدراستك ، مو عيب اذا خسرت بفد شيء الك ! مو عيب اذا بقيت تحاول وتحاول حتى توصل الحلمك 🌱🩵. مو عيب اذا صادقت ناس فاشلهَ وماتعرف شنو يعني طموح ، ومو عيب اذا خجلت من نفسك وتصرفاتك ، العيب اذا خليت هاي الأمور كلها ، تخليك تفقد ثقتك بنفسك ،
__
- الانسان بطبيعه الحال هوَ وليد افكاره ، هوايه اشخاص عدهم إهمال لجانب الفكرة لأن الفكرة مثل حبة الدواء مفعولها ما راح يبين إلا مع الوقت. شكو فكرة تدخل لعقلك سلبية تأثر عليك بشكل ما
راح تتوقعه بحياتك كلها لا تصدك أن الفشل هو جزء منك بكد ما كنت أنت جزء منه ، وماكو أي إنسان ما مشى بدرب أعوج بحياته بشكل أو بآخر ، العيب من أنك تسمح لهلافكار تنغرس بداخلك ، وتعتبر نفسك شخص فاشل وتقنع نفسك بإنك هيچ !! لحد يضحك عليكُم ويخليكم تستسلمون ، ابقوا حاولوا لحد ما المحاوله تكُلكم كافي بزعت 😄🩵.
__
-رسبت ! عادي ارجع احاوول واحاول واكمل ، فشل مشروعك ! عادي كذلك ارجع احاول واكمل واعيد من البدايهَ ماكو مشكلهَ ، خسرت ! عادي ارجع اكمل وهم اعييد ماكو كل مشكلهَ ، دام رب العالمين وياكم خلاص هاهيهَ معليكم بكلام الناس السلبي لايأثر عليكُم لان الفاشل ميحب يشوف انسان ناجح ويحاول يوصل الطموحهَ 🫧🩵.

-شگد متگدرين كسبي ثقة عائلتچ، لتجازفين بأخطاء تكلفچ دراستچ و صحتچ النفسيّة ...


- لتحاولين ترتكبين أخطاء بحيث متگدرين تعترفين بيها حتّى يساعدوچ، قبل كل خطوة فكري ألف مرّة، و قبل كل صديقة تمشين وياها انتبهي لتصرّفاتها، لا تختارين صديقة تسكت عن أخطائچ، و متنبهچ عليها، و ممكن تشجعچ بدال ما تحميچ منها❗.
__
-مهما چانت عائلتچ صعبة، لتخليّها سبب للأخطاء، و مبرّر للهفوات. خلّي يكون هدفچ تحافظين علىٰ نفسچ أكثر من أي شي، و فوگ كلشي. أي ظرف داخل البيت مو مبرّر و لا سبب تخلّي للغلط، اعتبري الظرف الصعب -و بالرغم منّه- اختاريتي تحافظين علىٰ نفسچ، و هذا تؤجَرين عليه، و باب من أبواب التوفيق. حرصچ علىٰ نفسچ أولىٰ من كلشي. ميحتاج تدخلين بمتاهات، مثل حسابات وهميّة، تلفون مخفي، و تصرّفات عشوائيّة أنتِ بغنىٰ عنها. دائمًا اختاري تكونين أسمىٰ و أرفع من أي تصرّف يخليّچ متوترة و ما مرتاحة. اختاري
الوضوح دائمًا 🙆🏻💚.
__
-والثبات علىٰ الطريق السليم. اختاري تكونين وحدچ و لا ترافقين صديقة ممكن تدمّر مستقبلچ بسبب خطوة تخطيها وياها مو بمحلها، و يمكن أنتِ حتّى مو طرف بالمشكلة، بس تصيرين ضمن المشكلة لكونكم صديقات بس!. القوّة الحقيقيّة من تواجهين المغريات بثبات، و تختارين تصنعين اسم ناصع إلچ بين الكل، أي قوّة ثانية بهذا الوقت ما إلها معنىٰ و لا إلها قيمة و لا تضيف للشخصيّة شي بگد قوّة الثبات. لتسبقين الوقت علىٰ أشياء متناسبچ و لا تناسب عمرچ، و رسمي خطّة نظيفة لحياتچ، و أهم عنصر هو "الصبر"، تأنّي.. و دائمًا اسألي الله سبحانه يلهمچ التصرّفات الصحيحة، و الخطوة إلّي ترضيه. ارضي حتّىٰ يرضيج 🤍.

كلمَة " الحمدُ لله🦋 "
شنو هالكلمَة ؟ وشوكت اگولها ؟ زين أصلاً ليش اگولها ؟ وهَل راح استفاد من اگولها ؟ شنو قيمتها بحياة الإنسان ؟

كَلمة الحمدُ لله فعلياً أكثر كَلمة يحتاجها الإنسان بحياتَة ، وهيَ معناها شكر الله عز وجل والثناء علية ، على النعم يلي يهبنا إياها ،
لزوم نگولها بكُل مكان وزَمان مع العلم الأغلب إذا مو الكُل ناسين هالشي ! ودليل على ذلك قول رب العالمين ﴿
وَقَلِيلٞ مِّنۡ عِبَادِيَ ٱلشَّكُورُ ﴾💛 ..
زين ليش نگولها ؟
﴿وَمَن يَشۡكُرۡ فَإِنَّمَا يَشۡكُرُ لِنَفۡسِهِۦۖ وَمَن كَفَرَ فَإِنَّ ٱللَّهَ غَنِيٌّ حَمِيدٞ ﴾ 💛 ..
لَتتوقعون اكو فَد يوم رب العالمين يحتاجه بي ولا تتوقعون رب العالمين بحاجه شكرنة و تَقديرنه كُل كلمة شكر نتلفظ بيها أجرها يعود علينه ، وعلى سبيل المثال الشَخص الناجح لازم يشكر رب العالمين وليش ؟ لأن النجاح توفيق من رب العالمين اكو الاف الطلاب يقرون ومينجحون لعد انت علشنو متكبر ومتشكر ربك !
بنفس النقطة الإنسان يَلي يحاول ومينجح هم لازم يشكر ربه  ، وليش ؟؟ لأن غيرك حتى ميگدر يدخل مدرسة !!

حاولوا تصفنون ويَ نفسكُم وتذكروا شكَم مره احنه نطبخ وميصير عدنه حريق ؟ شگد احنه نطلع ونروح للشارع العام وميصير عدنه حادث ؟ شگد احنَة نگدر ناكل بدون ما نطلب من أحد ؟ وغيره وغيره هوايَ ها كُلها نعم رب العالمين يلي ميقدرها الإنسان ، ليش مو ملايين الناس سوت حوادث وراحت إلى رحمة الله ؟ مو كومة ناس تصيرلها مصائب وحرائق ؟ احنه بشنو نختلف عنهُم ؟؟  احنَه " بلطف الله ننجو "
كذلك الحمد والشكر من أسباب زيادة النعم "
﴿وَإِذۡ تَأَذَّنَ رَبُّكُمۡ لَئِن شَكَرۡتُمۡ لَأَزِيدَنَّكُمۡۖ وَلَئِن كَفَرۡتُمۡ إِنَّ عَذَابِي لَشَدِيدٞ ﴾ 💛..
وغيرها وغيرها هوايَ اسرار وخفايا بهالكلمة احنَه نجهلها ، لكن رددوا دائماً " الحمدُ لله على كُل نعمة كانت أو هيَ كائنه " 🌤🌤🌤.

نصيحه 📜💛

"حلوه هاي الابنيه ۅجسمها حلوه عجبتك روح واحجي ۅياه وضيفها ع كل البرامج وراقبها واهتم بيها او خليها تتعلق بيك وكلها احبج وانتي. اغلئ شي بحياتي واحلفها جذب وتعلقت بيك حبتك ؟ صارتك كلشي يله هسه انتـه مليت منها. غلس لٱ ترد.عليها وكلها اني نعسان تعبان مٍشغول جماعتي وياي دورلـهآ سالفه وابدي ادلع عليها او كلها جنت اختبرج او ديربالج ع نفسج باي. بجت ونقهرت تعبت كرهت كلشي بسبك ؟ مو مهم ختولي شعليك بيها المهم راحتك او انتـه خلصت منها. او مليتت منها. هم شوفلك وحده غيرها وبنفس الطريقه عاملها وورثلك جكارة وسلملي ع رجولتك اذ انتـه رجال اصلا.🔗

نصيحه 📜💛

واحد غلَط عَليك ، أو وحدةَ غلطَت عليچ ، مو لازِم أرد عليهُم بنَفس أسلوبهُم ! ، عادي جداً يكون رَدي بطَريقة أخرى ! ، إذا تشوف هذا الشخُص "يسب ، يفَشر ، يقذف ، يطعَن بيك ألخ..." ! مو لازم أكون مثلةَ ! ، هنـا أنتَ مُمكن دافعت عَن نَفسك بـس ! ، كسَبت ذَنب كَبير وأثم حتىٰ لو كان الشخُص المُقابل غَلطان أنتَ كذلك خطأت بتَصرُفك ، هذا الشخُص سِلاحةَ الوَحيد هوَ "السّب" أنتَ سِلاحّك عَقلك وشَخصيتَك وحُسن تصرُفك السّليم وأسلوبَك الجَيد بهكذا مَواقف ، وخَليكُم واثقين تمامًا مُمكن تشوفون الشخُص المُقابل يغلط ويشتم بأقبَح العِبارات والأساليب ويحسسكُم أنُ هوَ أنتَصر عليكُم بـس بالحَقيقة أنتَ أنتصرت بعَقلك لأن هيچ أشخاص ماعدهُم لا عقل ولا شَخصية ولا أسلوب ، بالمُختَصر ماكو داعي أكون هَمجي علمودةَ ، أكـو كثير طرُق مثل التَجاهُل أو الرَد بأسلوب خَاص وواعي أو إذا كان الأمر يتطَلب تدخُل الأهل أو القَانون مُمكن تتصرَفون علىٰ هذا النَحو ، خليكُم واعيين بأسلوبكُم واخذوهـا قاعِدة الشخُص المَريض والناقص "عقل" يشوف عِلاجه السّب والشَتم فقط وشكرًا نصائح واحكام 🖤

نصيحه 📜💛

شكد حلو من انتي انسانه كلش طيبه ومحبوبه بين الناس ومتشيلين بكلبج عواحد وتكتمين اسرار ناس مكتمت اسرارج وحجت عنج واذتج هوواي وانتي بعدج كاتمه كله حتى متنزلين من تربيه اهلج وحتى مدمرين طيبه كلبج شايفه من الكل يأذيج ويكسرج وانتي تكولين ميخالف الي رب يشوف ويسمع ماتنخفي عليه خافيه شعور كلش عضيم من تكونين انسانه عضيمه ( العضمه الله ) بنيتج الطيبه وكلبج الطيب حتى لو المقابل اذاج بس انتي تواجهي ب ابتسامه متعرفين تحقدين تدرين هاي من احلى واعضم الصفات البيج . ابد لاتخلين احد يسلبها منج مقابل حقارته ونذالته عاملي الناس بأخلاقج مو بأخلاقهم خليج مثل ما أنتِ

نصيحه 📜💛

لتوصل الي كدامك لمرحلة اللا عودة وترجع تكول هو ليش هيج كاعد يتصرف ويايه لو ليش هيج تغير عليه !
ماكو شجرة توكع من ضربة فاس وحده، ولا كلاص ينملي من نقطة وحده ؛ ولا واحد يمسح كلشي من غلطة أو كلمة وحده !
احترموا الفرص والتفويت لأن التراكمات تصفر رصيد الغلاوة والمعزة وكلش سهل تنكسر اقوى وأمتن وأقدم علاقة .

نصيحه 📜💛

كل شي يحتاجله وقت !
الجرح حتى يطيب ، الطفل حتى يمشي ، والطالب حتى ينجح والمسافر حتى يرجع ، والاهم !
والانسان حتى ينسى ، يقوى ، ينضج ، يوعى ، يكبر
كل شي يطلب من عدنه القوه والصبر حتى يصير ؟ الايام الي نمنا بيها نبچي وحزن وكأبة هية ايام حلوة بالاخير بأنتظارنا ، الضربه الي اليوم تأذينا منها وكسرتنا ، باجر مراح نحس بيها ، الشغلات الي خفنا منها اليوم ؟ باجر راح تكون اشياء تافه كلش واشياء عاديه بالنسبة النا ، كل شي بهل حياة يرادله وقت يرادله صبر يرادله تعب ، مو كلشي يجي بسهوله ماكو هذا المصطلح بالحياة اي شي تريده يجيك بسهوله ؟ كلش غلط وماكو هيج شي
كل شي يريدله وقت يلا يصير حتى يتحقق ، وخلوهم بالكم كل شي يجيكم بالوقت المناسب والي الله كاتبه الكم بوقتها